Hartlik welkom by ons eUni. Soos wat ons slagspreuk sê: “eUni is bedoel vir gewone mense met ‘n buitengewone belangstelling in die Bybel.” Dankie dat jy ook hierdie belangstelling en leergierigheid deel. Ons eUni gaan jou uitdaag en begelei om indringend na te dink oor die Bybel; om ou en nuwe dinge te ontdek; om verder te studeer, en om al hierdie nuwe kennis betekenisvol te integreer met jou geloof. Ons gedeelde vertrekpunt is ons geloof in die Heer, asook ons verwagting dat ons eie geloof ook groei deur indringende, deurdagte kennis oor God se Woord.
